هل تعرض الإنسان للضغط ممكن يكون مفيد؟

على ما يبدو أنه الإنسان بيولوجيا محتاج شوية stress فى حياته عشان يستمتع بيها أكتر .. وأن لو حياته للاستجمام وبس من غير أى challenge أو stress ده هيكون له تأثير سلبى عليه زى ما الstress الزيادة له تأثير سلبى عليه.

هرمونات الstress والبندول

بتوع البيولوجى لقوا أن هرمونات الglucocorticoid بتاعت الstress لما بتكون موجودة بدرجة معينة معقولة ده بيحسن من وظائف المخ وبيساعد على إفراز الدوبامين .. لو زادت عن حد معين هتسبب ألم ومعاناة، ولو قلت خالص ومبقاش فيه أى stress أو challenge هتقلب بملل والإنسان مش هيبقى سعيد للأسف.

وده برده بيفكرنى بمقولة شوبنهاور بأن الحياة زى البندول بتتأرجح بين الألم والملل .. وأن الواحد محتاج فى حياته قدر كافى من الstimulation حسب قدراته واهتماماته ويحاول يوازن الموضوع بحيث لا يكون over-stressed ولا يكون under-stimulated.

هل فيه علاقة بين ده وبين الFlow

وفيه سياق متصل منفصل كان فيه كتاب اسمه "Flow: The Psychology of Optimal Experience" ده كان بيحاول يحلل حياة عدد كبير من الناس ويدور على الpatterns أو الحاجات اللى خلت ناس منهم سعداء وحاسين بالfulfillment بما فى ذلك الناس الhigh achievers وكذلك الناس اللى بيعملوا حاجات بسيطة.

والنتيجة اللى وصلها وصاغها فى الconcept اللى ألفه بتاع الflow هى أنه الناس بتحس بالسعادة والرضا والتحقق لما يكونوا بيعملوا أنشطة سواء شغل أو غيره تكون engaging وchallenging بالقدر المناسب ليهم ويكون فيه هدف واضح وطريقة لقياس الgrowth اللى بيتمثل فى تطوير مهارات فيها complexity.

وكأن دماغنا بقى بيدينا reward لما نكون بنديله حاجات جديدة عليه يتعلمها ويطور الcircuits اللى فى المخ ويزود من تعقيدها وقدراتها، وده يبدو أنه ده كان مفيد تطورياً عشان يساعد الإنسان فى التأقلم والsurvival، وأن الإنسان اللى مش بيطور أى skills أو بيكتسب أى معرفة جديدة المخ يعاقبه.

طب والمعنى؟

لكن فاضل حاجة مهمة اوى وهى هل الشقاء والاجتهاد فى حد ذاتهم كويسين وخلاص ويلا قوم اتعب واشقى؟ فى الحقيقة ساعات كتير بتبقى مشكلة الواحد مش أنه مش عايز يبذل مجهود ويتعب فى شغل أو أى نشاط حياتى، لكن بتبقى المشكلة فى أنه مش لاقى الحاجة اللى تناسبه وتكون ذات معنى بالنسبة له.

وفى رأيى أنه من غير المعنى الإنسان ميقدرش يبقى عنده هدف واضح لحاجة وبالتالى مش هيقدر يحس أنه بيprogress وهيحس بالاحباط مهما كان بيتعب وبيحقق إنجازات .. فعشان كدة مهم أن الواحد يدور على معنى للحاجات اللى بيعملها أو لحياته ومع التجربة ممكن يلاقى الحاجة اللى يحب يبذل مجهود فيها.

وأهم حاجة أننا مينفعش نعمم أى تجربة على بقية البشر وأن كل واحد حسب شخصيته وتكوينه ممكن يكون فيه شكل معين للحياة مناسب له أكتر من غيره ويخليه engaged وحاسس بالتحقق .. ورغم أن مش كل الناس عندهم رفاهية التجربة والاستكشاف الا أن الواحد ممكن يخلق challenge أو معنى من حاجات غير متوقعة.

بس طبعاً مفيش حاجة مضمونة ولكن الواحد مش هيخسر لو فضل يفكر ويحاول يلاقى/يخلق معنى .. ورغم أن كل واحد تجربته ذاتية لكن جايز تجارب الاخرين والexposure أو التعرض لأفكار مختلفة يلفت نظره لحاجة تفيده ويساعده فى تكوين معنى .. وأخيرا هسيب الاقتباسين دول من كتاب Behave بتاع عم Sapolsky وكتاب Flow.

اقتباسات